3 jirkii ugu horreeyay oo xubin ka noqda naadiga dadka ugu caqliga badan dunida

Wiil seddex sanno jir ah ayaa noqday barbaarkii ugu yaraa abid ee xubin ka noqda Mensa UK oo ah halka ugu weyn caalamka ee shaqsiyaadka aadka u caqliga badan.

Muhammad Haryz Nadzim ayaa lagu casuumay si uu xubin ugu noqdo kaddib markii uu dhibco sarre oo 142 ka keenay tijaabo ay sameeyeen Stanford-Binet taas oo ka dhigeysa in uu aad u caqli badan yahay waxaana lagu qiimeeyay heerka caqliga 99.7%, inta badan qofka caadiga ah IQ-giisu waxa uu gaaraa 90 ilaa 110.

Hooyada Haryz oo lagu magacaabo Nur Anira Asyikin Hashim oo la hadashay  Metro UK ayaa sheegtay in ay ogeyd in wiilkeeda uu gaar noqon doono kaddib hadal uu yiri markii uu todobo bilood jir ahaa.

Haryz waalidiintiisa, Anira and Mohd oo an injineero asal ahaan kasoo jeeda dalka Malaysia, ayaa hadda ku nool Durham ee dhacda Waqoy-Bari dalka Ingiriiska.

“Ma aanan heysan khibrad badan, waxaan aaminsaneyn in sidaas ay carruutu yihiin. Keliya waxay aheyd xilligisii xannnada, marka aan isaga la hadalnay waxaa inoo caddaatay in ilmaha kale uu ka caqli badan yahay,”

Waxay intaasi raacisay: “In uu awood u leeyahay akhrinta wax badan oo ah buugaagta sheekooyinka uu isaga xiiseeyo.”