Luxembourg oo noqday dalkii ugu horreeyay oo bilaash ka dhiga gaadiidka dadweynaha

Iyada oo la isku dayayo yareynta ciriiriga, Luxembourg ayaa noqday dalkii ugu horreeyay dunida ee bilaasha ka dhiga gaadiidka dadweynaha laga bilaabo February 29. Tani waa markii ugu horreysay oo lasoo saaro go’aan xaqiijinaya in dalka oo idil gaadiidka dadweynaha laga dhigo mid bilaasha ah, sida uu xaqiijiyay wasiirka gaadiidka.

Go'aanka kasoo baxay xukuumadda  Luxembourg ayuu ujeedkiisu yahay sidii hoos loogu dhigi lahaa ciriiriga waddooyinka, sida ay werisay AFP. Sidaa darteed  qorshahaan waxa uu abuurayaa in qof walba ay sannadkii u keydsami doonto ku dhawaad 100 Euro oo u dhiganta ($ 110).

Dadweynaha qaar ayaan ogeyn isbeddelka ka dhacay dalkooda ee ku aadan gaadiidka, “Ma bilaasha baa? Ma aanan ogeyn,” ayay tiri haweeney ku magacaaban Dominiqu.

Qorshahaan bilaashka looga dhigayo gaadiidka waxaan ku jurin tikidhada heerka sarre ee tareenka iyo basaska habeenkii u adeega bulshada.

Inta ugu badan dadka ku safra Luxembourg waxay adeegsadaan gawaaridooda qaaska ah sida lagu sheegay daraasad la daabacay sannadkii 2018. Isticmaalka baska halkaan waxaa shaqadooda ugu safra keliya  32% halka tareennada ay ku safraan dad lagu qiyaasay 19% sida ay werisay AFP.