Haweeney masjid ku dhistay mushaarka saygeeda oo ay kaydisay muddo 30 sanno ah

Haweeney u dhalatay dalka Sacuudiga ayaa qabsatay baraha bulshada gaar ahaan Twitterka kaddib markii ay aruurisay mushaarka saygeeda muddo ku siman 30 sanno isla markaanna waxa ay lacagtaasi u adeegsatay in ay ku dhisto masjid.

Sheekada haweeneyda waxaa baraha bulshada soo dhigay wiilkeeda lagu magacaabo Mohammad Al Harbi.

Dhigaha sheekada ayaa soo qoray qoraal iyo sawirka hooyadii oo hor taagan masjidka dhawaan dhiska ah si ay ugu cibaadeystaan muslimiinta, xilli ay uga tabarucday aabihii.

“Maxaad hooyo wacan tahay, marnaba ma aysan ku raaxeysan mushaarka aabbahey. Muddo 30 sanno ah oo ay aruurineysay mushaarka waxay dhalisay in masjid uu ku magacaaban yahay aabbahey ay dhisto. Isaga Alle ha u waasiciyo qabriga. Waxan rajaynayaa in Allaah uu nagu mideeyo qabriga.” Ayuu yiri wiilka dhigay sheekada.

Saacado kaddib dhigaalka ayaa noqday mid fida isla markaanna saameyn ku yeesha shaqsiyaadka la saaxibka ah wiilka. Akhrisadeyaasha ayaa billaabay ka aragti dhiibashada sheekada.

Mid kamid ah dadka ka hadlay dhigaalka ayaa yiri: “Haddii aan heysan lahaa lacag igu filan, waxan iyadu ugu deeqi lahaa dhammaan lacagaihii ugu baxay dhismaha masjidka”

Shaqsi kale ayaa isaguna qorey: “Tani waa micnaha daacadnnimada”.