Safarka guusha: Bilyaneerka ugu yar caalamka!

26-jirka u dhashay dalka India oo ah hal-abuure dhallinyar ayaa hadda ah bilyaneerka ugu yar caalamka kaasi oo meel hoose kasoo bilaabay hantidiisa, waxa uu ka dhashay qoys noloshooda tahay dabaqad hoose.

Ritesh Agarwal markii uu jirey 13 sanno ayuu billabay iibinta Simkaarada si uu noloshiisa ugu maareeyo isaga oo ku dhex wareegi jirey gudaha dalka Hindiya.

Markii uu 18 jirka ahaa, Ritesh waxa uu furtay Oravel Stays oo markii danbe bishii May 2013 loo beddelay magaca OYO Hotels oo hadda kamid ah hoteelada ugu casrisan caalamka.

Bishii September 2018, dhaqaalaha OYO ayaa gaaray $1 billion. Bishii July 2019, Agarwal ayaa iibiyay qeyb kamid ah share-kiisa isaga ka helay qiimo dhan $2 billion taasi oo shirkadda ka dhigtay mid saameyn dhaqaale ku talaabsata.

Hadda waxaa lagu qiimeeyaa $10 billion, Ritesh ayaa shirkaddiisa OYO waxa ay ku fiday in ka badan 800 oo magaalo iyo  in ka badan 80 dal, waxa uu leeyahay 43,000 oo hoteello isaga oo 350,000  qofood ka caawiyay in ay shaqo ka helaan.

26-jirkaan ayaa loo aqoonsaday ganacsadaha ugu yar caalamka oo si shaqsi ah u sameeyay dhaqaale kaasi oo hadda hantidiisa lagu sheegay $1 billion sannadkii 2019, sida ay xustay IIFL Wealth Hurun India Rich.

“Ka billow wax yar, joogteey kaddib waxa ay noqonayaan wax weyn.” Ayuu yiri Ritesh

Agarwal xirfaddiisa waxbarasho ma gaarsiinsna heer jaamacad isaga oo yaraantiisa aan helin fursad dhaqaale oo uu wax ku barto balse halkii uu fadhiid wax baran noqon lahaa ayuu nafsaddiisa ku qanciyay in uu shaqeeyo taasi oo maanta kamid dhigtay dadka bilyaneerada.