La kulan- Ninka si maalinle ah u quudiya 8000 oo shimbiro ah.

15-kii sanno ee u dambeeyay, Joseph Sekar waxa uu wakhtigiisa ugu badan ku bixiyay kaalmeynta shimbiro isaga oo u huray maal iyo wakhtiba.

Waxaa magaalada Chennai ee dalka Hindiya looga yaqaan ‘Ninka shimbaraha’, Sekar, waa koronto yaqaan isla markaanna dib u habeyn ku sameeya kaamirada, waxa uu si maalinle ah u quudiyaa kummanaan kun oo shimbiro ah . Waxa uu dhisma ku leeyahay xaafadda Triplicane, isaga oo halkaasi ku quudiya 8,000 oo shimbirka Baqbaqaa ah.

Tani waxa uu si maalinle ugu quudiyaa 75 kiilo oo bariis ah isaga oo Sekar hantidiisa ka jara 40% dakhliga soo gala bishii si uu usoo iibiyo cuntada carruurtiisa shimbiraha ah.

Waxa ay aheyd subax xaalku aannu wanaagsaneyn 27 Disembar 2004-tii markii Sekar uu arkay ku dhawaad shan shinbiro Baqbaqaa ah oo fadhiya geeska hooygiisa kuwaasi oo isku dayay inay cunaan bariis gurigiisa yiilay. Chennai waxaa ka dhacay dhulgariirkii ugu dhimashada badnaa dunida oo xittaa shimbiraha ayaan badbaadin maalinkaa.

“Ku haynta bariiska iyo biyaha shimbiraha waa caado qoys. Sidaa darteed markii aan u soo guuray Chennai soddan sanno kahor, waan sii waday hawsha. Laakiin tani waa markii ugu horreysay oo aan arko Baqbaqaa si joogto ah u imaanaya dhulkeyga. Taasi waxay ahayd billowgii isku daygaygii shimbiraha qurxoon. Xittaa ma aanan oggeyn markii ay tiradu gaartay kummanaan, ”ayuu Sekar u sheegay Better India.

Si maalinle ah saacaddu marka ay tahay 4-ta habeennimo, ayuu Sekar hagaajiyaa halka ay wax ku quutaan shimbiraha iyada oo ay nadiifinta qaadato muddo 20 daqiiqo ah.

Hoyga uu Sekar ku leeyahay Chennai waxaa usoo daawasha tega dalxiissayaal badan oo dibadda ka imaanaya si ay u arkaan shimbirahaan.

Kaddib markii ay maqleen caawinaadda uu u fidinayo shimbiraha, dalxiisiyaasha ayaa isku dayay in lacago ugu deeqaan balse waa uu diiday. “Waxa ay jecel yihiin carruurteyda. Marnaba ma qaadan doono amah ama in aan aqbalo lacago si aan u quudiyo carruurteyda”, ayuu sheegay Sekar.