La kulan- Haweeneyda 50-kii sanno lasoo dhaafay xannaaneysay 600 oo carruur

Linda Herring had iyo goor waxa ay dooneysay qoys weyn. Laakiin ma aysan filaneynin in ay xannaaneyn doonto in ka badan 600 oo carruur ah kuwaasi oo gurigeeda ka helaya hoy, cunno, dhar iyo waxa ugu muhiimsan oo ah jaceyl aan dhammaad laheyn.

Hadda waa 75 sanno jir, Herring waxa ay howshaan daryeelidda ah ku jirtay ku dhawaad 50 sanno oo ay ku xafideysay Johnson County ee gobalka Iowa dalka Mareynkanka.

Herring iyo saygeeda Bob, waxa ay bilaabeen xannaaneyta carruurta markii ay ku noolaayeen Oxford ee gobalka Iowa, waa ayna sii wadeen sameynta ficilkaan markii ay usoo guuren Tiffin.

“Saaxiib-kayga ugu wanaagsan waxa uu daryeeli jirey gabdhaha yaryar, anniguna waxaan aaminsanna in ay wax fiican tahay sameynta ficilkaan, laakiin annigu waxaan door bidi jiey carruurta yaryar,”  ayay Herring u sheegtay CNN-ka. “Waxaan la hadlay Waaxda Adeegyada Dadweynaha waa ayna aqbaleen in la qaado carruurtan u baahan adeeg caafimaad.

Gabadha ay ayeeyada u tahay ee Amber Herring ayaa Today u sheegtay: “Ayeeyadeey had iyo goor wax u qabashada qof kasta ayay ka hormarisaa marka loo eego nafsaddeeda.

“Waxa ay aheyd halyeygeyga tan iyo markii aan gabar yar ahaa, aad baan ugu mahad-celinayaa.

Iyada oo u warrameysa hillinka CNN-ka, Linda ayaa sharaxday dhiiri-gelinteeda: “Waan ooyay markii ay carrurta ka dhaqaaqeen gurigeyga, dhib ma lahan inta ay halkaan joogeen, waxa ay aheyd wax aad iigu adag in aan iyagu ku dhaho nabad-gelyo.

“Waxa aan had iyo jeer is-weydiin jirey, ‘ Maxaan sidaan u sameynayaa?’ Maxaa yeelay ma ahan wax fudud in aad iyagu tiraahdo nadab-gelyo.

“Laakiin waan sii joogteeyay maxaa yeelay aad baan u jeclaa, waxa aan iyagu siiyay baahidooda carruureed.