La kulan- Gabadha madow gacmaha la’ ee hoggaamisa da’yarta ciidammada Mareykanka

17-sanno jir asal ahaan Africa kasoo jeedda kuna nool gobalka Florida laguna magacaabo Donavia Walker isla markaanna ku dhalatay xaaladda naadirka ah ee lagu magacaabo Bilateral Amelia ayaa sheeko guuleysatay ka sameysay ciidammada Mareynkanka.

Sida ay baahisay Truly, gabadhan dhalinta ah taasi oo naafa ka ah labada gacmood ayaa horjooge u ah koox dumar ah oo ku jira xerada Junior Reserve Officers’ Training Corps.

The Junior Reserve Officer waa xarun lagu tababaro ciidammada kala geddisan ee dowladda Mareykanka.

“Dadku way i daawadaan isla markaanna aad bay ii dhiira geliyaan. Waxaan naaneys ahaan u leeyahay Angel oo ay ii bixisay ayeeyo, sababtuna waxay tahay in aan laheyn gacmo, oo aan keliya leeyahay garbo,” Ayay tiri Donavia.

Inantan 17- sanno jirka ah ayaa awood u leh kaxeynta gawaarida, socdaalka, sawir qurxinta, cadeynta ilkaheeda, qurxinta timaheeda, isla markaanna awood u leh wax cunista iyo wax waliba oo ay xilligaas u baahan tahay iyada oo uusan qofna caawineynin, xittaa waxay iyada oo adegsaneysa lugteeda qori kartaa farriimo.